PanAWaGAn nG nOVaLicHEs

PAGBABAGO:
Makatotohanan. Masinsinan. Malawakan.

Tulad ng mga Israelita, tinahak nating mga Filipino sa kasalukuyan ang Disyerto - isang bansang batbat ng talamak na katiwalian, na pinag-uugatan ng kahirapan ng nakararami. Sa paglalakbay na ito, nagbibigay pag-asa ang mga salita ng Panginoon sa pamamagitan ni propeta Isaias: "ako'y magbubukas ng landasin sa gitna ng ilang; maging ang disyerto ay patutubigan." (Isaias 43: 19). Ang landasing ito na binubuksan ng Diyos, ang tubig na papawi ng uhaw sa katarungan, ay GANAP NA PAGBABAGO - di lamang sa loob ng bawat indibidwal, kundi sa loob ng sistemang pulitikal.

Kaya sa gitna ng walang puknat na paglaganap ng corruption sa bnsa, naninindigan kami - ang Sambayanan ng Diyos sa Novaliches - para sa MAKATOTOHANAN, MASINSINAN, AT MALAWAKANG PAGBABAGO.

Ito ang aming panawagan:

Una, ILABAS ANG BUONG KATOTOHANAN. Palabasin at huwag hadlangan ang buong katotohanan tungkol sa ZTE-NBN deal, Fertilizer Scam, ang "Hello Garci" Controvercy, at iba pang mga anomalya;

Ikalawa, MAGBIGAY-SULIT AT PANAGUTIN ANG PINAGKATIWALAAN NG KAPANGYARIHAN. Tuwirang ilahad ang pananagutan ng mga sangkot sa mga isyung nabanggit, at patawan ng karampatang parusa ang mga maysala pati na ang mga nagtatakip sa katotohanan'

Ikatlo, ISULONG ANG MALAWAKANG REPORMA sa mga balangkas at pamamaraan ng pamamahala tulad ng bisdding, procurement, loans at mga nahahawig na proseso, upang matigil na at maiwasan pa ang mga oportunidad sa pangungurakot at pandarambong.

Hanggang hindi naisasakatuparan ang tatlong bagay na ito -

• hindi kami titigil sa pangangalampag at pagpapahayag ng aming pagtutol sa kasalukuyang pamamaraan ng pamamahala na hindi nakatutugon ng sapat sa pagsupil ng corruption sa bansa'
• patuloy kaming manghihimok at manghahamon sa lahat na gumising, magsuri, manalangin, at magpahayag ng protesta sa pamamagitan ng conscientization at truth forums;
• ipapahayag namin ang aming protesta sa patuloy naming pagsama sa pagmamartsa sa lansangan, prayer rallies at vigils.

Ituturing naming sagradong tungkulin ang:

• suportahan at ipagtanggol ang mga nagtataya ng buhay sa pagbubulgar ng katiwalian sa pamahalaan;
• bantayan hanggang maresolba ang mga kaso ng katiwaliang nagaganap at matutuklasan pa mula sa aming mga baranggay hanggang sa Malakanyang;
• gamit ang mga mapayapa at demokratikong pamamaraan, tiyaking hindi mananatili sa posisyon ng kapangyarihan ang mga walang kahihiyang magsinungaling, magnakaw at manlinlang.

Gagawin namin ito bilang pagsasabuhay ng aming pananampalatayag Kristiyano, bilang pagmamahal sa aming pagka-Pilipino, at bilang pagmamalasakit namin sa mga mahihirap na siyang patuloy na nasasaktan at nabibigatan sa mga serbisyong naipagkakait sa kanila dahil sa pangungurakot sa yaman ng bansa.

pAaLaLA ng iSanG aMa...

Ang mga pangaral at paalala ng ating mga magulang ay dapat na ating binibigyan ng pagpapahalaga, siguradong hindi ka ipapahamak ng iyong mga magulang.

Bigyan ko kayo ng isang halimbawa ng usapan ng isang ama at ng kanyang anak.

"Tandaan mo anak, ang batang SINUNGALING ay hindi na tatangkad, uusli ang ipin, liliit ang binti, at tutubuan ng nunal sa mukha." - Diosdado Macapagal

Kung may iba pa kayong mga munting payo na nais ibahagi ay post nyo lang dito sa comment box. Share natin sa mas marming tao para hindi sila mapahamak.

piNaKbeT pARa sA kaTOtoHAnAn...

Lutong Ilokano na katatagpuan ng ibat-ibang klase ng gulay.

Iyan ang nakita ko nuong nakaraang Biyernes sa Makati. Ibat-ibang grupo, ibat-ibang ideyalismo, ibat-ibang opinyon tungkol sa usaping garapalang korupsyon.

Naging pinakbet ang araw na iyon dahil sa nagkakaisang panawagan upang ilabas ang katotohan at ang pagbabalik ng integridad sa paglilingkod bayan.

Pula, asul, dilaw, itim, berde, at ibang kulay pa na sumasalamin sa ibat-ibang katipunan ng kaisipan at idelohiya. Bihira itong mangyari sa mga katulad nitong organisadong pagkilos.

Ang ganitong mga organisadong pagkilos ay kadalasang iisang kulay lamang ang iyong makikita, iisang tono ng boses ang iyong maririnig, iisang daloy ng kaisipan ang iyong mapakikinggan, at depende sa kulay, nagkaka-isa ring nag-aalab na damdamin ang iyong madarama.

Ang mga naunang People Power ay hindi mga organisadong pagkilos kung kaya’t hindi inaasahang mauwi sa isa nanamang People Power ang kilos nuong Biyernes. Naisin man ng marami na manatili sa Makati at umasang dumami pa lalo ang tao, ito ay hindi mangyayari.

Ngunit ang dalawang naunang People Power ay sinimulan rin sa mga ganitong mga pagkilos. Mga pagkilos na gumulong sa lansangan patungo sa kalayaan at katarungang inasam. Iyan rin ang inaasahang maging resulta ng mga pagkilos sa mga darating pa na araw.

Umaasa ang mga naghahanap sa katotohanan na ito ay tuluyang matagpuaan sa dulo ng paglalakbay na ito. Abutin man ng 2010 ang paghahanap ay huwag tayong bibitiw. Sisingilin natin ang mga nagkasala sa atin kahit wala na sila sa kapangyarihan. At sa pagkakataong ito ay hindi na natin papayagang gamitin nila sa pamumulitika at baliwalain ang katarungang ating makakamtan. Sisiguraduhin na na nating kanilang pagdurusahan sa loob ng kulungan ang kanilang mga kasalanan!