nASusUKa akO!!

Naalala ko nuong gumuha ang basurahan sa Payatas. Naghalo ang amoy ng bulok na basura at mga nabubulok na katawan ng tao. Talagang babaligtad ang sikmura mo kung mahina ka.

Parang ganito rin ang pakiramdam ko ngayon sa mga napababalitaang kalokohan sa ating Gobyerno.

Isipin mo na lang ang P500T na "pang-shopping" sana ni Lozada sa Hongkong na ibinigay ni Gaite galing sa kanyang bulsa... este... galing sa ibang tao... este... basta... ibinigay nila at kung saan nanggaling eh si Satanas na nakaka-alam nun!

Kalahating milyon pang-groceries? Anakanangteteng naman oh! Sino ginagago nila?

Isa pa yung P 50T na pautang ni Mike kay Lozada. Anangputek talaga! P50T nagkasya sa coin purse ng asawa niya?! Nyahahahaha! Gaguhin mo lelang mo Mike! (Joke lang... joke lang yung coin purse!)

Si Manong Ed binigyan rin diba ng P500T? Sino nga ba ang nagbigay? Basta sa kampo ni Gloria yung mga nag-aagawan sa karangalan na nagbigay nung 500T na yun!

Tapos ngayon may usapan nanaman na P20M para sa Patriotic Fund na para raw kay Neri. Pinagtatakahan ko lang bakit siya bibigyan eh "makakalimutin" nga siya at walang paki-alam sa Inang Bayan... paano magiging patriotic yun? Anyway, may mga "nagbabalak" raw na bigyan siya ng pera na ang dahilan at kung sino ay hindi niya masabi dahil siguro nakalimutan nanaman niya!

Hayop talaga! Parang winawalis lang nila ang pera! Samantalang ang daming nagugutom!

50,000
500.000
20,000,000

Daming zero ng mga iyan ah! Nakakasuka na kayong lahat! Mabuti pang lumayas na kayong mga mandarambong sa Gobyerno at isama na ninyo ang kunsintidora ninyong leader na si Gloria! Wala kayong mga puso at kaluluwa! Ngayon pa lang sinusunog na ang kaluluwa niyo sa impiyerno!

Teka... bakit nga ba ako nagwawala... mas mabuti siguro na dumikit na lang ang ako sa mga taong iyan para maambunan man lang ako ng pambili ko ng isang boteng SMB....

Sige... erase.. erase... erase... Gloria should finish her term upto 2010... kahit na siya pa ulit maging president beyond 2010... basta kalahati ng mananakaw nila sa Kaban ng Bayan eh ipautang nila sa Mamamayan... or better... ilagay na lang nila tayong lahat sa gas chamber para mamatay at sila na lang matira dito sa Pilipinas!